18 iyu 21:25
Yangiliklar

Suv sporti turlari

SHunaqasi ham bo'lar ekan. BRIKS o'yinlarining sinxron suzish bahslarida bir nafar sportchi ishtirok etib, oltin medalni qo'lga kiritdi!

SHu kunlarda Rossiyaning Qozon shahrida BRIKS o'yinlari kompleks musobaqasi bo'lib o'tmoqda.

Musobaqaning kechagi kunida erkaklar o'rtasida sinxron suzish bellashuvlari o'tkazildi.

Qizig'i, erkin yakkalik dasturida faqatgina bir nafar sportchi - rossiyalik Aleksandr Malcev ishtirok etdi. Uning chiqishi hakamlar tomonidan 211,6 ball bilan baholandi va sportchiga o'z-o'zidan oltin medal topshirildi.

Avvalroq ham ushbu kompleks musobaqa doirasida sinxrn suzish bellashuvlarida shunga o'xshash holat yuz bergan edi. Ikki nafargina sportchi ishtirok etgan bahslarda Malcev oltin, tailandlik Kantinan Adisaisiributr esa kumush medalga ega chiqqan edi.