Sinxron suzish. Solo Free Women musobaqasida hamyurtimiz startga chiqdi

Mazkur nufuzli musobaqada mamlakatimiz sportchilari ham ishtirok etishyapti. Musobaqalarning to'rtinchi kuni hamyurtimiz Anna Vashenko sinxron suzish bo'yicha Solo Free Women bahslarida o'z mahoratini namoyish etdi.

Ushbu turnirda Olimpiya o'yinlari, jahon chempionati va kubogi hamda qator nufuzli xalqaro turnirlarda g'olib va sovrindor bo'lgan ko'plab sportchilar startga chiqishdi.

Jahon chempionatida birinchi bor qatnashayotgan Anna garchi hal qiluvchi final bosqichi yo'llanmasini qo'lga kiritmagan bo'lsa-da, sportchimiz tomonidan namoyish etilgan mashq aksariyat muxlisu-mutaxassislarda ijobiy tasurot qoldirdi.

Endigina 18 bahorni qarshilagan Vashenkoning chiqishi hakamlar tomonidan 108.4708 ballga loyiq topildi va yakunda u 27-o'rinni band etdi. Qizg'in kechgan musobaqaning yakuniga ko'ra 1-12 o'rinlarni band etgan sportchilar hal qiluvchi final bosqichiga yo'llanma olishdi. Final 19 iyul kuni o'tkaziladi.