05 mar 11:56
Yangiliklar

Suv sporti turlari

Sinxron suzuvchilarimizning qita chempionatidagi medallari 6 taga etdi + FOTO

Filippinda o'tayotgan suv sporti turlari bo'yicha yosh guruhlari o'rtasidagi Osiyo chempionatida sinxron suzuvchilarimiz ham yuqori natijalar qayd etishyapti.

Ortda qolgan ikki kundan so'ng sinxronchilarimiz 1 ta oltin, 2 ta kumush va 3 ta bronza medallarini jamg'arishdi.

Oltin medalga 12 yosh va undan kichik bo'lgan sportchilarning majburiy dasturida Darya Kochneva sazovor bo'ldi. Ayni shu yosh toifasidagi solo chiqishida boshqa bir yurtdoshimiz Elizaveta Kasatkinaga kumush medal nasib etdi. Ikkinchi kumush medal 13-15 yosh hamda 12 yosh va undan kichik bo'lgan sportchilarning jamoaviy dasturida qo'lga kiritildi.

SHuningdek, Ziyodaxon Toshxo'jaeva (yoshlar, solo) 1 ta va Sabina Mahmudova (13-15 yosh, solo hamda majburiy dastur) 2 ta bronza medalini delegaciyamiz hisobiga qo'shib qo'yishdi.