Sirdaryoda sog'lom turmush tarziga oid mahorat saboqlari o'tkazildi

Mazkur tadbirlar Prezidentimiz tomonidan ilgari surilgan Yoshlarni madaniyat, sanat, jismoniy tarbiya va sportga keng jalb etish, axborot texnologiyalaridan samarali foydalanish yoshlar o'rtasida kitobxonlikni targ'ib etish va xotin-qizlarni bandligini taminlashga qaratilgan «5 ta muhim tashabbus» mazmun, mohiyatini yurtdoshlarimizga etkazish hamda targ'ibot va tashviqot qilishni o'z oldiga maqsad qilgan.

5 ta muhim tashabbusning sport yo'nalishi bo'yicha Sirdaryo viloyatining barcha tuman va shaharlarida sport tadbirlari keng tashkil etilmoqda.

Sport tadbirlari davomida sportchilar va murabbiylar tomonidan aholiga jismoniy tarbiya va sport inson salomatligiga ijobiy tasiri, ayniqsa pandemiya davrida sport bilan shug'ullangan holda yuqumli bo'lgan kasalliklarni oldini olish bo'yicha tavsiyalar va ko'rsatmalar berildi. SHuningdek, sport bilan shug'ullanishlari uchun aholiga hududlar kesimida bolalar-o'smirlar sport maktablari va ularning filiallari sport inshootlari, mavjud sport turlari, biriktirilgan trenerlar to'g'risida malumot berildi.

Tadbirlar davomida nafas gimnastikasi va ertalabki badantarbiya mashg'ulotlarini uy sharoitida tashkil etish yuzasidan mahorat darslari (master klass) ko'rsatib berildi.