"Stranja"da umumjamoa hisobida birinchi o'rinni egallagan bokschilarimiz O'zbekistonga qaytib kelishdi + FOTO

Musobaqada O'zbekiston terma jamoasi 6 ta oltin, 1 ta bronza medalini qo'lga kiritib, umumjamoa hisobida birinchi o'rinni qo'lga kiritdi. 

Qayd etish lozimki, Rossiya, Qozog'iston va Ukraina kabi terma jamoalar ikkita tarkib bilan ishtirok etgan musobaqada bunday natijani qayd etish, boks hamjamiyati orasida shov-shuvga sabab bo'ldi. 

Bugun musobaqada ishtirok etgan charm qo'lqop ustalarimiz yurtimizga qaytib kelishdi. 

Ular Islom Karimov nomidagi Toshkent xalqaro aeroportida kutib olindi. Kutib olish marosimida Sportni rivojlantirish vaziri o'rinbosari SHahrillo Mahmudov, Milliy olimpiya qo'mitasi Bosh kotibi Oybek Kasimov, O'zbekiston boks federaciyasi mutasaddilari, muxlislar va OAV vakillari ishtirok etishdi.

Eslatib o'tamiz, terma jamoamiz safida quyidagi bokschilarimiz sovrindor bo'lishdi: 

Oltin: 

-51 kg: Hasanboy Do'smatov 

-57 kg: Abdumalik Xalakov

-63,5 kg: Mujibillo Tursunov

-80 kg: Odiljon Aslonov

-92 kg: Madiyar Saidrahimov

+92 kg: Lazizbek Mullojonov

Bronza: 

-52 kg: Tursunoy Rahimova 

Kutib olish marosimidan suratlarni tomosha qiling. 

Foto: Aziz To'xtamurodov