Sultonov Belgiya turnirining bosh sovrinini ko'zlayapti

Mukofot jamg'armasi 25 000 AQSH dollarini tashkil etuvchi ushbu turnirda Humoyun Sultonov ham muvaffaqiyatli odimlayapti. Hamyurtimiz turnirda ikkinchi raqam ostida tasniflangan bo'lib, o'z ishtirokini biroz qiyin bo'lgan g'alaba bilan boshlagandi.  

Mamlakatimizning birinchi raketkasi ikkinchi davrada ham qarshilikka duch keldi. Mezbonlar vakili ATP reytingida 1908-pog'onada borayotgan Xaroldd Xuensga qarshi kechgan uchrashuvda Humoyun 6/1, 3/6, 6/1 hisobida zafar quchdi. 

Qizig'i, dunyoning 331-raketkasi bo'lib turgan Sultonovning uchinchi raqibi ham belgiyalik tennischi hisoblanadi. Hamyurtimiz 1/4 finalda Bayli Jillesga qarshi kortga chiqadi. Ushbu uchrashuv bizning vaqt bilan soat 18:00da boshlanadi.