Sultonov Belgiyadagi turnirda muvaffaqiyatli start oldi

Mukofot jamg'armasi 25 000 AQSH dollarini tashkil etuvchi ushbu turnirda Humoyun Sultonov ham o'z mahoratini namoyish qilyapti. Hamyurtimiz turnirda ikkinchi raqam ostida tasniflangan bo'lib, o'z ishtirokini biroz qiyin bo'lgan g'alaba bilan boshlab oldi.  

Mamlakatimizning birinchi raketkasi ilk davrada belgiyalik Kilian Kollinonni 6/4, 4/6, 6/4 hisoblarida mag'lubiyatga uchratdi. Mezbonlar vakili ATP reytingida 1339-pog'onada borayotganiga qaramay, tennischimizga munosib qarshilik ko'rsatdi. Sultonov dunyoning 331-raketkasi bo'lib turibdi. 

Endi Humoyun Sultonov turnirning 1/8 finalida yana bir belgiyalik tennischi Xarold Xuensga qarshi kortga chiqadi. Bu uchrashuvi bugun bizning vaqt bilan soat 13:00da boshlanadi. Xarold ATP reytingida 1908-pog'onada bormoqda.