Sultonov Bryussel turniri bosh sovrini uchun kortga chiqadi

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham muvaffaqiyatli odimlayapti. Mamlakatimizning birinchi raketkasi musobaqaning hal qiluvchi final ishtirokchisiga aylandi.  

Bryussel turnirida uchinchi raqam ostida tasniflangan Sultonov 1/2 finalda Ergi Kirkinni 6/3, 6/4 hisobida mag'lubiyatga uchratdi. Turkiyalik tennischi turnirda birinchi raqam ostida saralangan bo'lib, dunyoning 254-raketkasi bo'lib turibdi. Bu tennischilar uchun o'zaro ikkinchi uchrashuv bo'ldi. SHu yil yanvar oyida Qatardagi turnirning finalida Kirkin Sultonovni engib (3/6, 6/1, 7/5), bosh sovrin sohibiga aylangandi. Humoyun o'sha mag'lubiyat uchun revansh oldi.

Hamyurtimizning finaldagi raqibi birozdan so'ng malum bo'ladi. Yarim finalda ikki niderlandiyadik tennischilar - Maks Xuks hamda Den Ouden o'zaro hisob-kitob qiladi. Xuks ATP reytingida 420, Ouden 336, Sultonov esa 330-pog'onadan joy olgan.