27 iyu 08:55
Yangiliklar

Tennis

Sultonov Bryussel turniridagi ishtirokini g'alaba bilan boshladi

Belgiyaning Bryussel shahrida tennis bo'yicha M25 toifasiga kiruvchi tennis turniri bo'lib o'tmoqda.

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham qatnashyapti. Mamlakatimizning birinchi raketkasi ilk davrada belgiyalik Kilian Kollignonni 6/3, 6/2 hisobida taslim etdi.

Taqqoslash uchun, Sultonov ATP reytingida 330, Kollignon esa 1341-o'rinni egallab turibdi. Bugun Humoyun 1/8 finalda yana bir mezbon tennischi Xarold Xuensga qarshi kortga chiqadi. Belgiyalik reytingning 1915-pog'onasidan joy olgan. Hamyurtimiz Bryussel turnirida uchinchi raqam ostida tasniflangan.