21 avg 11:17
Yangiliklar

Tennis

Sultonov bu hafta ham Idanya-a-Novada chempion bo'la oladimi?

Portugaliyaning Kashtela-Branka okrugi Idanya-a-Nova tumanida tennis bo'yicha M25 toifasiga kiruvchi yana bir turnir start oldi.

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham o'z imkoniyatini sinovdan o'tkazadi. Mamlakatimizning birinchi raketkasi o'tgan hafta aynan turnirda chempion bo'lgan edi.

Bugun Sultonov 1/16 finalda italiyalik Fabricio Andaloroga qarshi kortga chiqadi. Bu safar Humoyun turnirda ikkinchi raqam ostida tasniflangan. Franciyalik Klement CHideh musobaqaning birinchi raqamli tennischisi sifatida qayd etilgan.

Taqqoslash uchun, Humoyun Sultonov ATP reytingida 285, Andaloro esa 594-o'rinni egallab turibdi. Hamyurtimiz ishtirokidagi bahs bizning vaqt bilan soat 13:00da boshlanadi.