Sultonov charchadi, u reytingda o'zidan 200 pog'ona quyidagi tennischiga yutqazdi

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham o'z imkoniyatini sinovdan o'tkazyapti. Mamlakatimizning birinchi raketkasi o'tgan hafta aynan turnirda chempion bo'lgan edi. Biroz avval Sultonov 1/4 final bahsini o'tkazdi va afsuski, raqibiga imkoniyatni boy berdi. 

ATP reytingida 285-o'rinni egallab turgan Humoyun portugaliyalik Frederiko Silvaga qarshi kortga chiqdi. Turnirda ikkinchi raqam ostida tasniflangan hamyurtimiz 89 daqiqa davom etgan bahsda o'zidan deyarli 200 pog'ona quyida borayotgan, aniqrog'i, reytingda 480-o'rindan joy olgan mezbonlar vakiliga 4/6, 1/6 hisobida imkoniyatni boy berdi. Endi Sultonov bor etiborini juftlikdagi ishtirokiga qaratadi.