Sultonov Idanya-a-Novadagi ishtirokini boshladi

Mukofot jamg'armasi 25 000 AQSH dollarini tashkil etuvchi ushbu musobaqada hamyurtimiz Humoyun Sultonov ham bosh sovrin uchun bahslarga kirishdi. Mamlakatimizning birinchi raketkasi 2 soatu 6 daqiqa davom etgan 1/16 final bosqichida portugaliyalik Tiago Silvani 6/1, 3/6, 6/2 hisobida mag'lubiyatga uchratdi.

Taqqoslash uchun, Sultonov ATP reytingida 284, Silva esa 1395-o'rinni egallab turibdi. Turnirda birinchi raqam ostida saralangan Humoyun bugun 1/8 finalda avstraliyalik Etan Kukka qarshi kortga chiqadi. Uchrashuv bizning vaqt bilan soat 13:00da boshlanadi. Kuk reytingning 1495-pog'onasidan joy olgan.