Sultonov Nyu-Delida reytingda o'zidan 548 pog'ona quyidagi tennischiga yutqazdi

Mukofot jamg'armasi 25 ming dollarni tashkil etuvchi ushbu musobaqada hamyurtimiz Humoyun Sultonov ham o'z imkoniyatini sinab ko'rdi. Afsuski, mamlakatimizning birinchi raketkasi biroz avval yakuniga etgan ilk davra uchrashuvida mag'lubiyat alamini totib ko'rdi. 

Turnirda ikkinchi raqam ostida tasniflangan Sultonov 1/16 final bahsida hindistonlik Manish Sureshkumarga qarshi kortga chiqdi va raqibiga uch set natijasiga ko'ra imkoniyatni boy berdi - 6/4, 5/7, 4/6. 

Taqqoslash uchun, Humoyun ATP reytingida 329, Manish esa 877-pog'onadan joy olgan. Sultonov 2 soatu 29 daqiqa davom etgan bahs davomida 2, uning raqibi esa 11 ta eys zarbasini amalga oshirgan. Qo'shxatolar ikkala tennischida ham 6 tadan bo'ldi.