Sultonov reytingda o'zidan 111 pog'ona pastdagi tennischiga yutqazdi

Mukofot jamg'armasi 25 000 AQSH dollarini tashkil etuvchi ushbu musobaqada Humoyun Sultonov ham o'z imkoniyatini sinab ko'rayotgandi. Hamyurtimiz turnirda birinchi raqam ostida tasniflangan bo'lib, ayni paytda dunyoning 339-raketkasi bo'lib turibdi. 

Afsuski, u 1/4 finalda franciyalik Robin Bertrandga imkoniyatni boy berib qo'ydi. Ikki soatu 23 daqiqa davom etgan bahsda turnirda 7-raqam ostida tasniflangan, ATP reytingida 450-o'rinni egallab turgan Robin irodali g'alabaga erishdi - 1/6, 6/1, 6/4.    

Humoyun uchrashuv davomida 7 ta, raqibi esa 3 ta eys zarbasini amalga oshirgan. Qo'shxatolar Bertrandda bittaga ko'proq bo'ldi - 3 ga 2.