Suv polosi bo'yicha terma jamoalarimiz Osiyo chempionatidagi ishtiroklarini boshladi

Qita chempionatida O'zbekiston erkaklar va ayollar terma jamoalarining ham ishtirok etishi haqida xabar bergan edik.

Turnirning ilk kuni doirasida erkaklar terma jamoamiz Xitoy Taypeyiga qarshi bahs olib bordi va 30:8 hisobida yirik g'alabaga erishdi. O'yinda Artur Vishnyakov (10), Aziz Sodiqov (2), Doniyor Salimov (2), Georgiy SHubin (4), Masud Dilmurodov (1), Samir Glazkov (2), Kirill Starigin (1), Saidislom Yusufjonov (1), Burxon Sayfiddinov (4) hamda Vangelis Divin (3) gollarga mualliflik qilishdi.

Kecha bo'lib o'tgan o'yinlarda esa erkaklar termamizga Eron va Koreya Respublikasi termalari raqiblik qilishdi. Afsuski, Eron bilan bahsda 9:33, Koreya Respublikasiga qarshi o'yinda esa 12:23 hisobida imkoniyat boy berildi.

Ayollar terma jamoamiz esa turnirni Yaponiyaga qarshi bahs bilan boshlab, 7:34 hisobida mag'lub bo'ldi.

Bugun Osiyo chempionatining uchinchi kuni doirasida erkaklar terma jamoamiz Yaponiya, ayollarimiz esa Xitoy bilan o'ynaydi.