Suv polosi. Erkaklar va ayollar terma jamoalarimizning Osiyo chempionatidagi raqiblari malum

Musobaqada O'zbekiston erkaklar va ayollar terma jamoalari ham ishtirok etadi. Jamoalarimiz qura natijasiga ko'ra, qitaning eng kuchli suv polochilari bilan kuch sinashadi.

Erkaklar jamoalari ikki guruhga bo'lingan:

"A" guruhi: Xitoy, Qozog'iston, Singapur, Gonkong.

"B" guruhi: Koreya Respublikasi, Yaponiya, O'zbekiston, Eron, Xitoy Taypeyi.

Ayollar o'rtasidagi turnir davra tizimida o'tkaziladi. Oltita jamoa medallar uchun kurash olib boradi: Xitoy, Qozog'iston, O'zbekiston, Singapur, Gonkong, Yaponiya.

Osiyo chempionati medallar uchun kurashdan tashqari, Singapurda bo'lib o'tadigan suv sporti bo'yicha jahon chempionatiga saralash bosqichi vazifasini ham o'taydi. Erkaklar o'rtasidagi eng kuchli uch jamoa jahon chempionatiga, ayollar o'rtasidagi turnirda esa eng yaxshi ikki jamoa jahon chempionatiga yo'llanmani qo'lga kiritadi.

Ayni paytda O'zbekiston terma jamoalari bo'lajak chempionatga qizg'in tayyorgarlikni davom ettirmoqda.