Suzhou Challenger. Mamlakatimizning etakchi tennischilari asosiy to'rning ilk davrasida kortga chiqishdi

Mamlakatimizning birinchi va ikkinchi raketkalari — Humoyun Sultonov hamda Sergey Fomin musobaqaning saralash bahslaridagi ishtiroklari orqali asosiy to'rga yo'l olgandi. Sultonov ikki saralash uchrashuvida g'alaba qozongan bo'lsa, Fomin yutqazsa-da, omadli mag'lub sifatida turnirning asosiy ishtirokchilari safiga qo'shilgandi.    

Har ikki tennischimiz bugun asosiy to'rning ilk davra uchrashuvini o'tkazishdi. ATP reytingida 395-o'rinni egallab turgan Humoyun Xitoy Taypeyi sharafini himoya qilayotgan Vu Ting Linga kutilmaganda 5/7, 3/6 hisobida imkoniyatni boy berib qo'ydi. Vu Ting ATP reytingida 529-pog'onadan joy olgan bo'lib, u ham hamyurtimiz singari asosiy to'rga saralash bahslari orqali etib kelgandi. 

Biroz avval yakuniga etgan Sergey Fomin ishtirokidagi uchrashuv ham biz uchun omadsiz bo'ldi. Tennischimiz yaponiyalik Renta Tokudoga faqat birinchi setda qarshilik ko'rsata oldi - 4/6, 1/6. Tennnischilar shu kungacha o'zaro uch marotaba to'qnash kelishgan bo'lsa, barchasida Kunchiqar yurt vakili zafar quchgan.