Suzish bo'yicha mamlakat kubogi o'tkazilmoqda

Mamlakatimizning turli hududlaridan kelgan 350 nafarga yaqin suzuvchilar o'rtasida o'tayotgan bellashuvlarning U18 va kattalar yosh toifasida 100 metrga erkin usulda suzish yo'nalishida Abdulaziz Abdumajidov va Parizod Abdukarimova g'olib bo'ldi. Batterflyay usulida suzishda Muhammadamin Rahmatullaev 200 metr masofani birinchilardan bo'lib bosib o'tdi. SHuningdek, 1500 metr masofaga erkin suzishda Ilya Sibircev g'alaba qozondi.  

U17 yosh toifasida 100 metrga erkin suzish bellashuvlarida Dmitriy Baxarev zafar quchgan bo'lsa, ayollar orasida Parizod Abdukarimova o'zining ikkinchi oltin medaliga ega chiqdi. Ushbu yosh toifasida 200 metrga batterflyay uslubida suzishda Muhammadamin Rahmatullaev kutilganidek marraga birinchi bo'lib etib keldi.  

SHuningdek, U15 yoshli suzuvchilar o'rtasidagi 100 va 1500 metrga erkin, 200 metrga batterflyay usulda suzish bo'yicha Timur Umarov, Imona Ismoilova, Javlon G'aniev, Rayxona Nizomova, Akmal Tursunov, Zarina Abdusamatovaga teng keladigani topilmadi.