Tabilo mavsumdagi ikkinchi sovrinini qo'lga kiritdi

Musobaqa bosh sovrini chililik Alexandro Tabiloga nasib etdi. Dunyoning 24-raketkasi hal qiluvchi final uchrashuvida reytingning 54-pog'onasidan joy olgan avstriyalik Sebastyan Ofnerdan ustun keldi - 6/3, 6/4.

Tennischilarning o'zaro uchrashuvlarida muvozanat tiklandi - 1:1. Etmish olti daqiqa davom etgan bahsda Tabilo 5, Ofner 2 ta eys zarbasini amalga oshirgan. Ikkala tennischi ham 3 tadan breyk qayd etgan. 

Bu chililik tennischining faoliyatidagi ikkinchi ATP turniri sovrini edi. U ikkala chempionigiga ham joriy mavsumda erishgan. Mallorca Championships turniridagi muvaffaqiyatli ishtirok Tabiloga 250 reyting ochko hamda 141,795 evro mukofot puli keltirdi.