Tarixiy Rossiya Ochiq chempionati bo'lib o'tdi, g'oliblar 2000 dollarga ega bo'ldi FOTO

Rossiya Kurash federaciyasi tomonidan tashkil etilgan mazkur musobaqada dunyoning 8 mamlakatidan 100 nafarga yaqin sportchi g'oliblik uchun gilamga chiqdi. 

Bellashuvlar erkaklar o'rtasida 73, 90 va +100 kg vaznda, ayollar o'rtasida esa 70 kg vazn toifasida o'tkazildi. Xalqaro turnirda Rossiya va O'zbekiston sportchilari boshqalarga qaraganda kuchliroq ekanini namoyish etdilar. 

G'oliblarga quyidagipul mukofotlari topshirildi:

1-o'rin (Oltin) - $ 2000  

2-o'rin (Kumush) - $ 1000

3-o'rin (2 ta bronza) - $ 500

Ibrohim Xudoyberdiev, Rossiya kurash federaciyasi prezidenti:

“Rossiya kurash federaciyasi yosh tashkilot sanaladi. Biroq, biz o'zimizda xalqaro musobaqalar o'tkazishni asosiy maqsad qilib qo'yganmiz. Bu bizning ilk yirik musobaqamiz va oxirgisi emas. Kurash Rossiya yoshlarining sevimli sport turiga aylanishi uchun bor imkoniyatlarimizni ishga solamiz”.

A.Konovalov, Rossiya terma jamoasi bosh murabbiyi: 

“Bu bizning mezbonligimizdagi birinchi xalqaro turnir va Rossiya termasining ishtirokidan juda xursandman”.

Natijalar:

Erkaklar 73 kg

1. Umid Esanov (O'zbekiston)

2. Urol Sodiqov (O'zbekiston)

3. Xaymiddin Jobborov (Tojikiston)

3. Ivan Naumov (Belarus)

90 kg

1. Yuriy Boja (Rossiya)

2. Umar Boqiev (Rossiya)

3. Pavel Sodkovoy (Rossiya)

3. Yuriy SHikalov (Rossiya)

+100 kg

1. Muhsin Hisomiddinov (O'zbekiston)

2. Bekzod Karimov (O'zbekiston)

3. Ruslan Kiselev (Rossiya)

3. Dmitriy Balyanov (Rossiya)

Ayollar 70 kg

1. Galina Ambartcumyan (Rossiya)

2. Vladlena Guseva (Rossiya)

3. Kseniya Skarga (Rossiya)

3. Gulmira Ismatova (O'zbekiston)

O'zbekiston kurash federaciyasi matbuot xizmati