Tezkor nokautlar ustasi UFC'da debyut qiladi. Uni Xabib bilan solishtirishmoqda

Kechada rossiyalik Aliasxab Xizriev debyut qiladi. 2020 yilning sentyabr oyida Aliasxab Xizriev The Ultimate Fighter musobaqasida ishtirok etdi va u erda qanday daraja sohibi ekanligini isbotlab, UFC bilan shartnoma imzoladi. Dog'istonlik jangchi MMAdagi ilk janglarini M-1 Global musobaqasida o'tkazgan. U erda sakkizta jangda oktagonga ko'tarilib, janglarining teng yarimini birinchi raundning o'zida yakunlashga erishgan. SHundan so'ng jangchi FNG promousheni bilan shartnoma imzoladi va erda to'rtta jangda ishtirok etib, uchtasini birinchi raundning o'zida yakunlashga erishgan. FNG promoushenida chempionlikka erishgandan so'ng Aliasxab Xizrievni tezda Xabibga tenglashtirishni boshlashdi. 

Uni UFC'ning yangi Xabibi deb atay boshlashdi. CHempionlik kamaridan so'ng 31 yoshli jangchi UFC The Ultimate Fighter'da ishtirok etish imkoniga ega bo'ldi. U raqibini birinchi raundning o'zida bo'g'ib qo'ya qoldi va Danadan tezroq navbatdagi raqibni berishni so'radi. Bu vaqt orasida Ali UFC'ning mashhur menejerlari Ali Abdel-Aziz va Rizvan Magomedov bilan ishlashni boshladi.

 Bu esa o'z foydasini berishi aniq edi. Aliasxab Xizriev va UFC o'rtasida shartnoma imzolanganiga bir yarim yil bo'ldi, shu vaqt oralig'ida Aliasxabning to'rtta jangi bekor bo'lishga ulgirdi.

Nihoyat Xizriev o'z imkoniyatiga ega bo'ladi. U ertaga tongda Denis Tiuliulinga qarshi oktagonga ko'tariladi.

Malumot uchun, Aliasxab Xizriev professional faoliyati davomida 13 ta jangda ishtirok etgan va barchasida g'alaba qozongan. G'alabalarining 8 tasini birinchi raundda erishgan.