27 iyu 16:05
Yangiliklar

Tokio-2020, Olimpiya o'yinlari

Tokio-2020. Olimpiadaning to'rtinchi kuni medalsiz yakunlandi

Teglar : Tokio-2020 ONLAYN

Bugun, 27 iyul kuni Tokio Olimpiadasining to'rtinchi kuni o'tkazildi.

Olimpiadada qatnashayotgan o'zbek sportchilarining ishtirokiga oid tezkor yangiliklarni ushbu sahifa orqali kuzatib borishingiz mumkin bo'ldi.

Kun davomida o'zbekistonlik sportchilar quyidagi natijalarni qayd etishdi:

Dzyudo: Farangiz Xojieva (ilk bosqichda mag'lubiyat)

Taekvondo: Svetlana Osipova (ilk bosqichda mag'lubiyat)

Boks: Bobousmon Baturov (1/8 finalda g'alaba)

Dzyudo: SHarofiddin Boltaboev (7-o'rin)

Suzish: Xurshidjon Tursunov (41-o'rin)

15:22. SHuning bilan o'zbekistonlik sportchilarning bugungi ishtiroki yakunlandi.

15:19. Suzuvchimiz Xurshidjon Tursunov 100 metrga erkin suzish bo'yicha 50.14 soniya natija bilan o'z guruhida to'rtinchi bo'ldi. Umumiy hisobda esa u 71 nafar sportchi ichida 41-o'rinni egalladi.

14:26. Birozdan so'ng kun hisobidan so'nggi vakilimiz suzuvchi Xurshidjon Tursunov startga chiqadi. Uning chiqishi 15:10da amalga oshadi.

14:14. Bobousmon Baturovning vaznidagi qozog'istonlik bokschi Ablayxan Jusupov kutilmaganda AQSH vakiliga imkoniyatni boy berdi. SHu tariqa, Olimpiadada Qozog'istonning -69 kg vazn toifasidagi gegemoniyasi yakunlandi.

13:45. Afsuski, SHarofiddin bronza uchun o'tish jangida imkoniyatni boy berib qo'ydi va Olimpiya o'yinlaridagi ishtirokini yakunladi.

13:36. Birozdan so'ng dzyudochimiz SHarofiddin Boltaboevning bronza uchun o'tish jangi boshlanadi. Raqib - gruziyalik Tato Grigalashvili.

11:28. SHarofiddin Boltaboev bronza medali uchun o'tish jangida gruziyalik Tato Grigalashviliga qarshi tatamiga chiqadi. Ushbu bahs Toshkent vaqti bilan taxminan soat 13:30dan so'ng boshlanadi.

11:21. SHarofiddin chorak finalda avstriyalik SHamil Borchashviliga qarshi jang qildi va Golden Score'da imkoniyatni boy berib qo'ydi.

11:10. SHarofiddin Boltaboev chorak final jangiga tayyorlanmoqda.

10:48. CHansel Dias britaniyalik raqibga imkoniyatni boy berdi. Svetlana Osipova bronza medali uchun kurashish imkoniyatidan mahrum bo'ldi.

10:30. Endi u yarim final chiptasi uchun asli gruziyalik, hozirda Avstriya sharafini himoya qilayotgan SHamil Borchashviliga qarshi tatamiga chiqadi.

10:18. -81 kg vazn toifasidagi yurtdoshimiz SHarofiddin Boltaboev bolgariyalik Ivaylo Ivanovni mag'lub etib, chorak finalga yo'l oldi.

10:01. Boltaboev tatamiga ko'tarilmoqda

9:48. Birozdan so'ng SHarofiddin Boltaboev bolgariyalik Ivaylo Ivanovga qarshi tatamiga ko'tariladi

8:35. Boltaboev endi bolgariyalik Ivaylo Ivanovga qarshi bahs yuritadi. Jang taxminan soat 9:45 dan so'ng boshlanadi.

8:34. Dzyudochimiz SHarofiddin bir necha soniya ichida vanuatulik raqibi Ugo CHumboni ushlash usulida mag'lub etdi.

8:30. SHarofiddin Boltaboev Olimpiadadagi ishtirokini boshlamoqda.

8:07. Agar Dias finalgacha etib bora olsa, Svetlana Osipovada bronza medali uchun kurashish imkoniyati paydo bo'ladi. Aks holda, taekvondochimiz uchun Olimpiada yakunlanadi.

7:48. Yana taxminan 20-30 daqiqalardan so'ng dzyudochimiz SHarofiddin Boltaboevning jangi boshlanadi.

TELEGRAM va INSTAGRAMdagi sahifalarimiz orqali ham qiziqarli malumotlardan xabardor bo'lib turishingiz mumkin.

7:31. Bobousmon endi chorak finalda britaniyalik Pet Makkormakka qarshi jang qiladi. Bo'lajak raqib - jahon chempionati finalchisi hisoblanadi.

7:27. Bokschimiz Bobousmon Baturov Dominikan Respublikasi vakili Polando Roxanga qarshi jang o'tkazdi va 4:0 hisobida g'alaba qozondi.

7:15. Bobousmon Baturovning jangi boshlanmoqda!

7:11. Taekvondochimiz Svetlana Osipova ilk jangini kuchli raqib CHansel Denizga qarshi o'tkazdi va so'nggi soniyalarda 8:9 hisobida yutqazib qo'ydi.