Tomu Tori: "Maqsadimiz yutish emas, yutqazmaslik!"

Jumladan, dzyudo vatani Yaponiyadan kelgan tajribali mutaxassis, dunyoga mashhur Kodokan maktabi tarbiyalanuvchisi, xalqaro yo'riqchi (instruktor) Tomu Tori ham ana hamkorlik doirasida qariyb yarim yildan beri yurtimizda faoliyat yuritmoqda. Kunchiqar yurt murabbiyi faoliyati davomida orttirgan tajribasini barcha yosh toifasidagi terma jamoalarimiz azolariga ulashmoqda.    

- Tomu, O'zbekistonga kelishingizdan oldin yurtimiz dzyudosi haqida fikringiz qanday edi?

- O'zbekistonga ilk bor 2002 yili kelgandim. O'shanda sportchi edim. Hozir esa murabbiy sifatida yurtingizda bo'lib turibman. Taassurotlar juda ham yuqori. Oraliqdagi 18 yil ichida mamlakatingiz barcha sohalarda juda katta o'sishga erishgan. Bu nafaqat mening, balki O'zbekistonga kelayotgan boshqa xorijliklarning ham fikri. Endi bevosita savolingizga kelsak, O'zbekiston dzyudosi barcha davrlarda qita va jahonda o'z o'rniga ega bo'lgan. Dunyoda ham o'zbekistonlik dzyudochilarga alohida hurmat bilan qarashadi. Olimpiada va jahon chempionatlarida dzyudochilaringiz medallar uchun davogarlar qatorida etirof etiladi. 

- Siz dunyoga mashhur Kodokan maktabida dzyudo sir-asrorlarini o'rgangansiz. SHaxsan o'zingiz O'zbekistonga qaysi dzyudo maktabi uslubini olib kirmoqchisiz?

- Bu erga Yangi yil arafasida kelganman. SHundan so'ng terma jamoamiz ko'plab xorij yig'inlari, Gran-Pri va "Katta Dubulg'a" turnirlarida ishtirok etdi. Tabiiyki, musobaqa va yig'inlardan tashqari vaqt juda kam bo'ldi. Hozirgacha ikkitagina viloyatda bo'ldim. Oxirgisi Sirdaryo viloyatida o'tkazilgan o'smirlar o'rtasidagi O'zbekiston chempionatini bevosita kuzatganim edi. SHundan kelib chiqib aytadigan bo'lsam, menda yurtingiz dzyudosini ichkaridan turib ko'rish va tahlil qilish uchun to'liq imkoniyat bo'lmadi. Ochig'i, asosiy urg'u Olimpiadaga qaratilgani bois bolalar dzyudosiga etibor qarata olmadim. Endi fursati kelganda, karantinga tushib qoldik. Men bu erga O'zbekiston dzyudosi rivojiga yordam berish uchun kelganman. O'ylaymanki, bu missiyani sharaf bilan uddalayman. Siz aytgandek, Kodokan maktabida olgan bilimlarim, sportchilik faoliyatim davomida orttirgan tajribalarimni mahalliy yoshlarga ulashaman. 

- Yurtimiz dzyudochilardan kimlarni alohida etirof etgan bo'lardingiz. Umuman, O'zbekiston dzyudosi kelajagini qanday ko'ryapsiz?

- O'zbekiston terma jamoasining har bir azosini kuchli deb hisoblayman. Alohida bir dzyudochini aytmagan bo'lardim. Bugungi kunda Olimpiada reytingiga qaraydigan bo'lsak, yigitlarimizning bari Tokioga borish reyting pog'onalarida turishibdi. To'g'ri, koronavirus pandemiyasi sabab Olimpiada keyingi yilga qoldirildi. Tabiiyki, musobaqalar ham ko'chirildi. Karantin butun dunyo dzyudochilarining bugungi holatiga tasir o'tkazmasdan qolmaydi. Eng muhimi, Olimpiya o'yinlari yo'llanmasini qo'lga kiritish va dzyudo vatanida shoxsupaga ko'tarilish kerak. SHunda biz murabbiylarning ishi ko'zga ko'rinadi. O'z o'rnida biz vazifamizni bajargan bo'lamiz. O'zbekistonlik dzyudochi mening Vatanimda shoxsupaga ko'tarilsa, ikki xissa xursand bo'laman. Bizning bosh maqsadimiz - yutish emas, yutqazmaslik! Tabiiyki, yutqazmagan sportchi chempionlik sari dadil odimlaydi. Biz terma jamoa dzyudochilarini yutqazmaslikka o'rgatyapmiz.