Toni Kroos tarixdagi eng buyuk murabbiyni aytdi

Germaniyalik xavbek ikkilanmasdan bu unvonni italiyalik mutaxassis Karlo Anchelottiga berdi. Kroosning so'zlariga ko'ra, Anchelotti nafaqat taktik fikrlashi, balki katta jamoalar va yulduz futbolchilar bilan ishlashdagi o'ziga xos mahorati bilan ham ajralib turadi.

"Agar barcha zamonlarning eng ulug' murabbiyi haqida gapiradigan bo'lsak, men uchun bu — Karlo Anchelotti. U jamoani boshqarishda — ham maydonda, ham undan tashqarida boshqalardan ustun edi", – dedi Kroos.

Toni Kroos Anchelotti qo'l ostida "Real" safida ikki marta o'ynagan: 2014–2015 yillarda, shuningdek, italiyalik murabbiy klubga qaytganidan keyin 2021–2024 yillar orasida. SHu davrda "qirollik klubi" uch marta CHempionlar Ligasini qo'lga kiritdi, Kroos esa jamoa tarixidagi eng muvaffaqiyatli davrlardan birida muhim o'yinchiga aylandi.