Top Rank kompaniyasi Alvares bilan shartnoma imzoladi

Professional boksning yarim og'ir vazn toifasida WBO yo'nalishi chempioni, kolumbiyalik Elayder Alvares bundan keyingi janglarini Bob Arumga tegishli Top Rank promouterlik kompaniyasi bayrog'i ostida o'tkazadi. 

SHuningdek, Alvaresning kanadalik promouter Ivon Mishel bilan amaldagi shartnomasi ham saqlanib qoladi. Arum va Mishel Alvaresning janglaridan birdek foyda ko'rishadi. Ulush ikki promouter o'rtasida teng taqsimlanadi.

Eslatib o'tamiz, kolumbiyalik jahon chempioni navbatdagi jangini 2 fevral kuni o'tkazadi. U shu kuni rossiyalik sobiq jahon chempioni Sergey Kovalyovga qarshi revansh jangida ringga ko'tariladi.