17 okt 10:32
Yangiliklar

Tennis

"Toshkent CHellenjer" turnirining so'nggi g'olibi Florenciyani zabt etdi

Teglar : Feliks Oje

Italiyaning Florenciya shahrida o'tkazilgan ATP turniri Feliks Ojening g'alabasi bilan nihoyasiga etdi.

Dunyoning 13-raketkasi bo'lib turgan kanadalik final uchrashuvida ATP reytingida 75-pog'onadan joy olgan amerikalik Jeff Volfdan 6/4, 6/4 hisobida ustun keldi. Bu tennischilarning o'zaro o'tkazgan ilk uchrashuvi edi.

Davomiyligi 103 daqiqa bo'lgan bahsda Oje 11 ta eys, 1 ta qo'shxato, 3 ta breykni qayd etdi. Oje Italiyadagi muvaffaqiyatli ishtirokidan 250 reyting ochkosi va 93,090 evro mukofot puli ishlab oldi. Bu kanadalikning faoliyatidagi ikkinchi sovrini bo'ldi.

Eslatib o'tamiz, Feliks Oje 2018 yil o'tkazilgan so'nggi "Toshkent CHellenjer" turnirida bosh sovrinni qo'lga kiritgan edi.