Toshkent O'zbekiston Respublikasi Prezidenti sovrini uchun kurash musobasiga mezbonlik qiladi

“Universal” sport saroyida o'tkaziladigan ushbu nufuzli musobaqada dunyoning eng kuchli polvonlari 10 ta vaznda – erkaklar -66, -73, -81, -90, -100, +100 kilogrammda, ayollar -52, -63, -78, +87 kilo og'irliklarda o'zaro kuch sinashadi.

Sovrin jamg'armasi 170 ming AQSH dollaridan iborat turnirda ishtirok etadigan bir qator davlatlarning sport delegaciyalari yurtimizga etib kelmoqda. Bugun, 16 dekabr kuni xalqaro turnir o'tkazilishi oldidan texnik qo'mita, hakamlar va chet el sport delegaciya vakillari ishtirokida bir qator tadbirlar bo'lib o'tadi.

Bugungacha "World Seriyes Pro" turnirida qatnashadigan Janubiy Afrika, Eron, Tojikiston, Hindiston, Rossiya, Moldova kabi davlatlarning terma jamoalari yurtimizga etib keldi. Ularni poytaxt aeroportida O'zbekiston kurash federaciyasi tomonidan biriktirilgan tashkiliy qo'mita azolari tantanali kutib oldi.

Xorijiy davlatlarning sport delegaciyalarining tashrifi davom etmoqda.