"Toshkent shahar prokurori kubogi" uchun ochiq turnirdan FOTOREPORTAJ

Mamlakatimizda milliy qadriyatimiz — kurashni umumxalq harakatiga aylantirish, ommalashtirish, rivojlantirish, uni dunyoga yanada keng tanitish, umumjahon durdonasiga aylantirish bo'yicha qator salmoqli ishlar amalga oshirilmoqda.

Davlatimiz rahbarining bevosita qo'llab-quvvatlashi natijasida Kurash — xalqaro sport turi sifatida keng etirof etildi. “Kurash”, “Halol”, “Tazim”, “To'xta”, “Tanbeh”, “CHala”, “Yonbosh”, “Dakki” va “G'irrom” kabi  o'zbek atamalari esa xalqaro sport lug'ati tarkibidan mustahkam o'rin egalladi.

Kuni kecha poytaxtimizning muhtasham “Yunusobod” sport majmuasida kurash bo'yicha ilk marotaba “Toshkent shahar prokurori kubogi” ochiq turniri bo'lib o'tdi. Toshkent shahar hokimligi, Toshkent shahar prokuraturasi va Toshkent shahar kurash federaciyasi hamkorligida uyushtirilgan nufuzli musobaqada nafaqat yurtimizning, balki qo'shni Tojikiston Respublikasi polvonlari ham g'oliblik uchun maydonga tushdilar.

Turnirda erkaklar erkaklar  66 kg, 73 kg, 81 kg, 90 kg hamda mutloq, ayollar esa 52 kg, 63 kg, 70 kg vazn toifalarida gilamga chiqdi.

Keskin va murosasiz kechgan musobaqada har bir uchrashuv shiddatli kechdi. Buni har bir vazn toifasida g'olib va sovrindorlar qatoridan joy olgan kurashchilar nomi ham aytib turibdi.

Marhamat, ular bilan tanishing:

Ayollar

52 kg

Zarnigor Rahmiddinova (Toshkent viloyati)

Mohinur CHorieva (Surxondaryo)

Umida Jumaniyozova (Xorazm)

Gulsevar O'roqova (Qashqadaryo)

63 kg

Muxlisa Qodirberganova (Xorazm)

Malika Qahhorova (Toshkent shahri)

Nigora Toshkentova (Farg'ona)

Sarvinoz Esanova (Samarqand)

70 kg

SHaxnoza Bozorova (Toshkent shahri)

Ravzaxon Adashova (Toshkent viloyati)

Gulnoza Mustafaqulova (Buxoro)

Nodira Yo'ldosheva (Toshkent shahri)

Erkaklar

66 kg

Ruslan Bo'riev (Toshkent shahri)

Bunyod Elmurodov (Jizzax)

Abdurasul Qandiev (Surxondaryo)

Qobil Ahmedov (Toshkent shahri)

73 kg

Abdurashid Nodirov (Surxondaryo)

Umid Abdullaev (Buxoro)

Jaloliddin Boynazarov (Surxondaryo)

Asqar Xayrullaev (Samarqand)

81 kg

Umar Bozorov (Toshkent viloyati)

Umid Esonov (Navoiy)

G'iyos Boboev (Toshkent shahri)

Sarvar SHomurodov (Samarqand)

90 kg

Yahyo Imomov (Toshkent shahri)

Og'abek Tirkashev (Toshkent viloyati)

Jonibek Qozoqov (Samarqand)

Jasurbek Xudoynazarov (Toshkent viloyati)

+90 kg (mutloq)

Abduzohid Husainov (Surxondaryo)

SHerali Jo'raev (Qashqadaryo)

Muhsin Xisomiddinov (Surxondaryo)

Fazliddin Meyliev (Qashqadaryo)

Turnirning ayniqsa eng og'ir vazn toifasidagi polvonlari o'rtasidagi bellashuvlar barchaning diqqat markazida bo'ldi. Mutlaq g'olib uchun 50 000 000 so'm ajratilganligi hech bir qatnashchini befarq qoldirmadi. 

Hal qiluvchi bellashuvda surxondaryolik Abduzohid Husainov o'zidan ko'ra birmuncha nomdor, Osiyo va jahon chempioni SHerali Jo'raev (Qashqadaryo)ga ro'baro' keldi. SHiddatli kechgan bahsda umidli va iqtidorli polvon Abduzohid Husainov ochkolar hisobida raqibidan ustun keldi va Toshkent shahar prokurori kubogi hamda bosh sovrinni qo'lga kiritdi. 

Ikkinchi o'rin sohibiga 25 000 000 so'm, uchinchi o'rin sohiblariga esa 10 000 000 so'mlik vaucherlar taqdim etildi. Qolgan barcha vazn toifalarida g'oliblar 15 000 000, ikkinchi o'rin sohiblari 5 000 000, uchinchi o'rin egalariga 2 500 000 so'mlik pul yutug'i vaucherlari topshirildi.

CHinakam kurash bayramiga aylangan turnirda g'olib va sovrindorlarga  mukofot hamda diplomlarni Mahalla va oilani qo'llab- quvvatlash vaziri R.Mamatov, O'zbekiston kurash federaciyasi raisining birinchi o'rinbosari N.Yusupov, Toshkent shahar prokurori, Toshkent shahar kurash federaciyasi raisi U.Qosimov, Toshkent shahar hokimi o'rinbosari, Turizm va sport bosh boshqarmasi boshlig'i F.Davruqovlar tantanali topshirdilar. SHuningdek, poytaxtimizning mavjud o'n ikki tuman kurash federaciyalariga kurash gilamlari sovg'a qilindi.

Suratlar muallifi - Alimurod MAMADAMINOV, o'z muxbirimiz