Toshkent viloyatida “Rahbar kubogi” musobaqasining hududiy bosqichi yakunlandi

Toshkent viloyatida jismoniy tarbiya va sportni yanada ommalashtirish, aholi o'rtasida sog'lom turmush tarzini targ'ib qilish maqsadida tashkil etilgan musobaqalarda Toshkent viloyati Jismoniy tarbiya va sport boshqarmasi tasarrufidagi sport talim muassasalari xodimlari ishtirok etishdi. Musobaqalar sportning mini futbol, voleybol va stol tennisi turlari bo'yicha o'tkazildi.

Yuqorichirchiq tumanida o'tkazilgan hududiy bosqichida ishtirokchilar kuchlilar ichida eng kuchlisini aniqlash borasida o'zaro bellashishdi.

Musobaqalar doirasida mini futbol bo'yicha yarim final bahslarining dastlabkisida Suv sporti turlariga IBO'SM jamoasi CHirchiq OZK jamoasi bilan bellashib, 0:8 hisobida imkoniyatni boy berdi. Ikkinchi yarim finalda SO'T va EAIBO'SM jamoasi YAKTIBO'SM jamoasi bilan kuch sinashib, 7-1 hisobida g'alaba qozondi.

Yarim final g'oliblari CHirchiq OZK jamoasi va SO'T va EAIBO'SM jamoalari finalda chempion nomiga aniqlik kiritish uchun bahs olib bordi. Unda CHirchiq OZK jamoasi raqblarini 6:0 hisobida mag'lub etishdi.

Ayollar o'rtasida stol tennisi bo'yicha o'tkazilgan bahslarda 1-o'rinni viloyat Suv sport turlariga IBO'SM vakilasi E.Mamidamanova qo'lga kiritdi. 2-o'rinni viloyat SO'T va EAIBO'SMdan D.Imamdjanova va 3-o'rinni CHirchiq IOZMIdan B.Kamilova qo'lga kiritdi.

Ushbu sport turining erkaklar o'rtasida o'tkazilgan bahslarida 1-o'rinni viloyat YAKSTIBO'SM vakili B.Isroilov, 2-o'rinni CHirchiq IOZMI vakili D.Jumanov, 3-o'rinni viloyat Suv sport turlariga IBO'SM vakili D.Saydinov qo'lga kiritdi.

Voleybol sport turi bo'yicha CHirchiq OZK jamoasi viloyat YAKSTIBO'SM jamoasini 2-0 hisobida mag'lub etib final bosqichiga yo'l oldi.