Toshkentda IWF kongressi bo'lib o'tdi

Unda ortda qolgan yil sarhisobi, bo'lajak musobaqalar uchun tayyorgarlik, rejalar muhokama qilindi.

Toshkentdagi kongressda ishtirok etgan barcha mehmonlar hukumatimiz va bevosita O'zbekiston og'ir atletika federaciyasiga mehmondo'stlik hamda yuqori saviyadagi tashkilotchilik uchun minnatdorchilik bildirishdi.  

Xalqaro og'ir atletika federaciyasi Bosh kotibi Muhammad Jallud: 

"Hammaga xayrli tong. Avvalambor, Maykl Iraniga tashakkur aytmoqchiman. Biz kovid bilan, uning yangi turi bilan kurashyapmiz. SHuningdek, yangi yilni kutib olish arafasida turibmiz. Bunga qaramay, bu erda, oilalaridan uzoqda bo'lgan hamkasblarimga rahmat deb qolaman. Biz Parij-2024"gacha og'ir atletikani "tozalash" vazifasini o'z oldimizga qo'yganmiz va buning uchun katta pul sarf qilinmoqda. Tokio-2020 ishtirokchilari orasida og'ir atletika sport turidan birorta ijobiy doping testi aniqlanmadi. Bu katta natija va bizning yutug'imiz. Keyingi musobaqalarda ham shu kabi holat bo'lishi uchun ishlashdan to'xtamaslik zarur. 

Fursatdan foydalanib O'zbekistonga katta rahmat deb qolaman. Aynan O'zbekiston yil davomida 3ta xalqaro musobaqani qabul qildi. Aks holda biz o'smirlar o'rtasidagi jahon chempionatini keyinroq muddatga surishimiz va buning oqibatida butun bir avlodni yo'qotishimizga to'g'ri kelardi. Barchamiz guvoh bo'lganimiz kattalar o'rtasidagi jahon chempionati ham yuqori saviyada o'tkazildi. Buning uchun SHaxrillo Maxmudovga alohida rahmat deb qolaman".

Xalqaro og'ir atletika federaciyasi prezidenti Maykl Irani:

"Men o'tgan yil oktyabr oyida IWF"ga vaqtinchalik rahbar sifatida tayinlandim. O'tgan vaqt davomida og'ir atletika rivoji yo'lida birgalikda mehnat qildik. Biz mustaqil ekspertlar guruhini tashkil etdik. Parij-2024da og'ir atletika uchun ajratilgan kvotalar sonining qisqartirilishi biz uchun jiddiy zarba bo'ldi. Ammo men XOQ bilan umumiy til topishimizga umid qilib qolaman. Vaholanki oxirgi marta og'ir atletikachida doping aniqlanganiga qancha bo'ldi? Yaqin orada bunday holat yuz bermadi, to'g'rimi? Biz katta ko'lamdagi ishni bajardik va buning uchun barchangizga rahmat deb, tabriklab o'tmoqchiman.

Bu yil davomida biz muloqot uchun ochiqligimizni, muammolarni bartaraf etish tarafdori ekanligimizni isbotlay oldik. Aprelda o'smirlar o'rtasidagi jahon chempionati aynan Toshkentda bo'lib o'tgandi. Umid qilamanki, sizlarga ham bu erda barcha sharoitlar yaratildi, ovqatlar ham juda mazali edi".