25 okt 08:35
Yangiliklar

Voleybol

Toshkentda Markaziy Osiyo chempionati yakunlandi. Voleybolchilarimiz finalda yutqazishdi

Bir necha kun davomida poytaxtimizdagi "Jar" sport majmuasida voleybol bo'yicha erkaklar terma jamoalari o'rtasida Markaziy Osiyo chempionati o'tkazildi.

Kecha musobaqaning so'nggi kuni medallar uchun o'yinlar tashkil etildi. Bronza medali uchun kechgan bellashuvda Turkmaniston terma jamoasi afg'onistonlik voleybolchilarni 3:0 (25-23, 25-21, 25-20) hisobida mag'lub etishdi.

Final uchrashuvida esa O'zbekiston terma jamoasi Qirg'iz Respublikasi voleybolchilariga 0:3 (26-28, 19-25, 20-25) hisobida imkoniyatni boy berib, kumush medal bilan kifoyalanishdi.