Toshkentda Markaziy Osiyo qilichbozlik Konfederaciyasining ilk turniri bo'lib o'tadi

O'smirlar va kadetlar o'rtasida tashkil etiladigan I Ochiq chempionatda Afg'oniston, Tojikiston, Turmaniston, Qirg'iziston, Qozog'iston va O'zbekiston qilichbozlari sovrinli o'rinlar uchun kurash olib boradi.

Bahslar qilichbozlikning har uchta yo'nalishida tashkil etiladi va unda 150 nafardan ziyod sportchi qatnashadi.

Bellashuvlar O'zbekiston gimnastika federaciyasiga qarashli sport majmuasida bo'lib o'tadi. Musobaqa 15 fevral kuni soat 10:00da start oladi.

Eslatib o'tamiz, 2019 yil 25 yanvar kuni O'zbekiston Respublikasi Adliya vazirligi Afg'oniston, Tojikiston, Turkmaniston, Qozog'iston, Qirg'iziston, va O'zbekiston qilichbozlik federaciyalarini birlashtiruvchi Markaziy Osiyo qilichbozlik Konfederaciyasini davlat ro'yxatidan o'tkazdi. Ushbu musobaqa Konfederaciya tomonidan tashkil etilayotgan dastlabki turnir hisoblanadi.