Toshkentda qilichbozlik bo'yicha O'zbekiston chempionatiga start berildi

O'zbekiston Respublikasi Jismoniy tarbiya va sport vazirligi hamda O'zbekiston qilichbozlik federaciyasi hamkorligida sport va ommaviy jismoniy tarbiya tadbirlarining 2020 yil uchun respublika kalendar rejasiga muvofiq 2020 yil 10–14 fevral kunlari qilichbozlikning barcha (shpaga, rapira, sablya) yo'nalishlari bo'yicha (2000-2002 y.t. va 2003-2006 yillarda tug'ilgan) kadetlar va o'smirlar o'rtasida O'zbekiston CHempionati doirasidagi musobaqalarga start berildi. 

Mazkur turnirda sportchilar jamoaviy baxslarda kurash olib boradilar. Bugun, 10 fevral kuni 2000-2002 yillarda tug'ilgan o'smir-sportchilar orasida shpaga yo'nalishidagi hamda kunning ikkinchi yarmida 2003-2006 yillarda tug'ilgan sportchi (kadet)lar orasida rapira yo'nalishida musobaqalar bo'lib o'tadi.

Eslatib o'tamiz, o'smirlar va kadetlar orasida joriy yilning yanvar oyida bo'lib o'tgan qilichbozlik bo'yicha Respublika CHempionatida sportchilar yakkalik baxsida o'zaro kuch sinashgan edi.

Mazkur chempionatida Qoraqalpog'iston Respublikasi, viloyatlar va Toshkent shahar yosh sportchilari ishtirok etadi.

Ushbu turnirni o'tkazishdan ko'zlangan asosiy maqsad:

- qilichbozlik sportini keng targ'ib qilish hamda O'zbekiston Respublikasi hududida ommaviy sportning rivojlanishiga munosib hissa qo'shish;

- qilichbozlik bo'yicha O'zbekiston terma jamoasi uchun munosib o'rindoshlarni saralab olish va iqtidorli sportchilarni aniqlash;

- qilichbozlarning o'zaro bahs olib borish sport mahoratlarini oshirish;

- sportchilar orasida o'zaro do'stona munosabatlar o'rnatish va mustahkamlash va boshqalar.

Musobaqalar Toshkentdagi “Paxtakor” qilichbozlik sport zalida bo'lib o'tmoqda. 

O'zbekiston qilichbozlik federaciyasi barcha ommaviy axborot vositalari vakillarini ushbu turnirni keng yoritishga taklif etadi.

O'zbekiston qilichbozlik federaciyasi matbuot xizmati