Toshkentda qilichbozlik bo'yicha qitalararo xalqaro konferenciya bo'lib o'tdi

“Hyatt” mehmonxonasida o'tgan tadbirda Osiyo, Afrika, Pan Amerika qilichbozlik konfederaciyalari mutasaddilari, shuningdek, mamlakatimiz nomidan O'zbekiston Respublikasi Yoshlar siyosati va sport vazirining birinchi o'rinbosari Alisher Sadullaev, MOQ Bosh kotibi Oybek Kasimov, mamlakat qilichbozlik federaciyasi raisi Maqsud Abdusamatov ishtirok etishdi.

Konferenciya “Dunyoda qilichbozlikni ommalashtirish, muammo va echimlar” mavzusida tashkil qilindi. Unda rasmiylarimiz mamlakatimizda qilichbozlikni rivojlantirish bo'yicha amalga oshirilayotgan ishlar, Prezidentimizning bu boradagi islohotlari xususida to'xtalib o'tishdi. SHuningdek, har bir mintaqa mutasaddilari o'z hududlarida qilichbozlikning rivoji, ommalashuvi, qolaversa, echimini kutayotgan bir qator muammolar xususida gapirib o'tishdi. Konferenciya yakunida rivojlanayotgan mamlakatlarni qo'llab-quvvatlash, ularni kerakli inventarlar bilan taminlash, murabbiy va hakamlar uchun seminarlar tashkil etish kabi istiqbolli rejalar belgilab olindi.

SHundan so'ng Osiyo chempionati yakuniga bag'ishlangan matbuot anjumani o'tkazildi. Unda qita birinchiligida muvaffaqiyatli ishtirok etgan terma jamoamiz vakillari va OAV xodimlari ishtirok etishdi. Anjuman davomida sportchilarimizning erishgan yutuqlari, joriy yil terma jamoa oldiga qo'yilgan rejalar, jahon chempionatiga tayyorgarlik kabi mavzularda qizg'in savol-javoblar bo'ldi. Eslatib o'tamiz, 2-9 mart kunlari o'tgan musobaqada o'smirlarimiz umumjamoa hisobida ikkinchi, yoshlarimiz esa birinchi o'rinni qo'lga kiritgan edi.

Suratlar muallifi: Alimurod Mamadaminov