Tursunoy Jabborova jahon chempionati sovrindori!

Qizlar o'rtasidagi bahslarda ishtirok etgan hamyurtimiz Tursunoy Jabborova sovrindorlar qatoridan o'rin olishga muvaffaq bo'ldi.

-75kg vazn toifasida yurtimiz sharafini himoya qilgan sportchimiz dast ko'tarishda 96 kg. toshni o'ziga bo'ysundirib, bronza medalini qo'lga kiritdi. Siltab ko'tarishda esa 116 kg. tosh ko'tardi va ikkikurash yakunlariga ko'ra (212 kg.) ham bronza medaliga sazovor bo'ldi.

Ushbu vazn toifasida oltin medalni umumiy hisobda 255 kg. tosh ko'targan ekvadorlik Nesis Daxomes, kumush medalni esa amerikalik Meredit Olvayn (220 kg.) egalladi. Mazkur yo'nalishda ishtirok etgan Gulnoza Ahmedova esa 203 kg. natija bilan ettinchi pog'onadan joy oldi.

Eslatib o'tamiz, bungacha hamyurtlarimizdan Adhamjon Ergashev va Kumushxon Fayzullaeva jahon chempionligini tantana qilgan bo'lsalar, G'ayrat Aytmuratov dast ko'tarishda bronza medali bilan taqdirlangandi.