U-17 Jahon CHempionatlarining eng yaxshi o'yinchilari hozir qaerda?

Avvalgi Jahon chempionatlarida ham bir qator yoshlar o'zlarini ko'rsatishga muvaffaq bo'lishgan va musobaqaning "Eng yaxshi futbolchisi", deb topilgan.  Keling, bu sovringa avval kimlar erishgani va ularning faoliyati qay tarzda davom etganini eslab o'tamiz.

1999 – Lendon Donovan
Musobaqada Braziliya termasi g'alaba qozonganiga qaramay, mukofotga “yangi Ouen” loyiq ko'rildi. Futbol muxlislariga Donovan “Everton”dagi o'yinlari bilan yaxshi tanish. Ingliz klubida u o'z o'rnini topa olgandi va sheriklariga muntazam ravishda golli paslar bera boshlagandi, ammo uning birinchi (va keyinchalik malum bo'ldiki,  so'nggi) jamoasi “Los Anjeles Gelaksi” futbolchini sotishni istamadi. Aniqrog'i ular hujumkor futbolchini osonlikcha qo'yib yuborishni istamadi. AQSH klubi so'ragan pulni esa o'sha vaqtdagi “Everton” to'lab berolmasdi.  Donovan butsalarini mixga ilgach 2019 yil Uorren Smit bilan "Sakramento Ripablik" klubiga asos solishdi. 

2001 – Floran Sinama-Ponol
9ta gol urib, turnirning eng yaxshi bombardiri bo'lgan Ponol “Liverpul” bilan shartnoma imzolashga muvaffqat bo'ldi. Ammo 2003-yilgacha “Gavr”da ijarada qoldi. Angliyada uning omadi kelmadi: ikki yarim yil ichida “Liverpul”da bor yo'g'i 7ta gol urish, “Blekbern” bilan omadsiz ijara shartnomasi va Ispaniyaga ko'chishga muvaffaq bo'ldi. “Reakrativo”ga o'tish Ponolga omad kaliti bo'ldi desak, mubolag'a bo'lmaydi. U erdagi o'yinlari futbolchiga keyinchalik “Atletiko” eshiklarini ochib berdi. Lekin... U erda ham sportchining ishlari yurishmadi. “Sporting” zahira o'rindig'i, “Saragosa” bilan bo'lgan navbatdagi omadsiz ijara kelishuvidan so'ng, 28 yoshli Sinama-Ponol faqatgina “Rostov”ga kerak bo'ldi, xolos! U so'nggi bor "Sen-Perruaz" jamoasida ko'rinish berdi.  

2003 – Sesk Fabregas
Finlandiyada bo'lib o'tgan turnirda braziliyaliklar ispanlar ustidan 1:0 hisobda g'alaba qozongan. Lekin sovrin Fabregasga (5ta gol) nasib etgan. O'sha yilning sentyabr oyida “Barcelona” akademiyasidan “Arsenal”ga ko'chib o'tadi. U tinimsiz mehnat evaziga kanonirlarning asosiy yulduziga aylanib, yana “Barcelona”ga qaytib ketdi. U erdagi faoliyati unchalik yomon kechmagan bo'lsa-da, butunlay omadi keldi deyish mushkul vazifa. 2014-yilda yarim himoyachi “CHelsi”ga o'tdi. Ko'p vaqt o'tmay, Evropa va JCHda 2ta sovrinini qo'lga kiritgan. "CHelsi"dan so'ng "Monako", "Komo" jamoalarida to'p tepdi. Bu yil iyul oyida faoliyatini yakunlaganini elon qildi. 

2005 – Anderson
Qiziq, bu yili Meksika g'alaba qozongan bo'lsa-da, “eng yaxshi o'yinchi” deb braziliyalik Anderson tan olindi. Turnir vaqtida “Gremio” futbolchisi bo'lgan Anderson, bir yildan keyin “Portu” klubiga o'tib ketgan. Portugaliyada ham o'zini ko'rsata olgan futbolchini Ser Aleks “Yunayted”ga taklif qiladi. Erishilgan titullari bilan maqtana olsada, yarim himoyachi “iblislar oilasida” muqim o'ringa ega bo'lolmadi. “Fiorentina” ijara asosida o'tgan vaqtda ham Anderson “ochilib” keta olmadi. "Koritiba"da malum vaqt to'p tepdi. Faoliyatini "Adana Demirspor"da yakunladi. 

2007 – Toni Kroos
Toni Kross. Ro'yxatimizdagi eng yaxshi futbolchi chamamda. Turnirdan so'ng darhol “Bavariya” tarkibida debyut qilgan Kross, ko'p vaqt o'tmay, tajriba orttirish uchun “Bayer”ga ijaraga berib yuborildi. “Leverkuzen”da bor qobiliyatini ko'rsata olgani uchun “Bavariya”ga qaytariladi va asosiy tarkibning ajralmas bo'lagiga aylana oladi. CHempionlar Ligasi, Jahon CHempionatidagi zafar, keyinroq CHempionalar Ligasi tarixida ilk bor qatorasiga ikki bor ketma-ket g'alaba qozongan “Real” safida ham Kross asosiy figuralardan edi. Bugungi kunda Modrich bilan birgalikda dunyoning eng yaxshi markaziy himoyachilar juftligini tashkil etmoqda.

2009 – Emmanuel Sani
Xo'sh, endi ro'yxatning eng yaxshi o'yinchisidan eng “yaxshi”siga o'tsak. Nigeriyada bo'lib o'tgan turnirda mezbonlar kutilmaganda finalga etib bordilar,  ammo shvedlarga yutqazib qo'yishdi. Qizig'i, Sani faqatgina final o'yinida asosiy tarkibda maydonga tushirilgandi. Unga qadar, u o'ziga xos “Sulsher” rolini bajargan — zahiradan maydonga tushar va gol urardi (har 40 daqiqada 1tadan, umumiy hisobda 5ta gol). 2010-yilda “CHelsi” va “Tottenxem”da ko'rikda bo'lgan bo'lsa-da, u bilan faqat “Lacio” shartnoma tuzishga rozi bo'ldi. Biroq, yoshlar jamoasida ham Sani o'ziga joy topolmadi. 2 yildan so'ng “Lacio” futbolchi transfer huquqining teng yarmini “Salernitana”ga sotishga qaror qildi. Hattoki, C2 Seriyasida ham nigeriyalik umidni oqlamadi. Keyinchalik Emmanuel SHvecariya tomon yo'l oldi va “Beytar” tarkibida 24 daqiqa harakat qildi. Professional faoliyati davomida 16 uchrashuvda harakat qilgandan so'ng, o'zi ham tushundi chog'i, 23 yoshida faoliyatini tugatib qo'ya qoldi.        

2011 – Xulio Gomes
Meksika oltin medallarga ega chiqqan, Xulio Gomes esa jamoaning asosiy o'yinchilaridan hisoblanardi. 16 yoshida “Pachuka”da debyut qilgan, yarim final uchrashuvida Germaniya darvozasini ikki bor ishg'ol qilishga muvaffaq bo'lgan Gomesning faoliyati Saninikidan unchalik omadli bo'lgani yo'q. “Pachuka” safida 9 o'yin, Meksikaning boshqa divizion jamoalariga qator ijaralar va hokazo. 

2013 – Kelechi Ixeanacho
Nigeriya yana bir bor o'smirlar JCHsida zafar quchdi. Kelechi bo'lsa, ko'plab Evropa klublarining etiborini o'ziga qarata oldi. Forvard uchun bo'lgan kurashda “Man Siti”ning qo'li baland keldi. Ixeanacho “Manchester”da 2ta mavsumni yomon o'tkazmagan. Zaxiradan maydonga tushgan, gollar kiritgan. SHu bilan birga “Tilla bola” sovrinini qo'lga kiritgan. Ammo Gvardiola Kelechining imkoniyatlarini biroz past darajada baholadi shekilli, uni “Lester”ga 25mln funt evaziga sotib yubordi. O'shandan beri u "Lester" uchun xizmat qilib kelmoqda. 

2015 – Kelechi Nvakali
Bu yil ham yana hamma narsa o'z qolipida qolgan nazarimizda. Turnir Nigeriya g'alabasi bilan yakunlangan. Kelechi ismli yigit esa Angliyaga, “Arsenal” klubiga yo'l oladi. Ammo "to'pchilar" safida o'ynab keta olgani yo'q. Niderlandiya chempionati birinchi ligasi va Ispaniya quyi divizionlarida to'p tepdi. 

2017 – Fil Foden
Fil turnir finalida 2ta gol urib, ingliz matbuotchilarining etiboriga tushgan.
Pep Gvardiola Fodenni juda qobiliyatli ekanligini bir necha bor takidlab o'tdi. Keyinchalik u "shaharlik"larning asosiy figurasiga aylandi va hozirgacha 150 uchrashuvda maydonga tushishga ulgurdi.

2019 - Gabriel Veron 

2019 yil Braziliyadagi o'smirlar o'rtasidagi Jahon chempionatida mezbonlar chempionlikni o'zida olib qolgandi. Mazkur jamoa safida Gabriel Veron ko'zga tez tashlangan. U turnirda 3ta gol muallifiga aylangandi. Veron o'tgan mavsumda Portugaliyaning "Portu" jamoasiga ko'chib o'tdi. 

P.S: 2021 yilgi Perudagi U-17 Jahon chempionati kovid pandemiyasi sabab bekor qilingandi

Nozima Zaripova tarjimasi