U-23 OSIYO KUBOGI. YAPONIYA - CHEMPION! Xitoy finalda tor-mor etildi

"Samuraylar" Xitoy darvozasiga javobsiz to'rtta to'p kiritib, o'z tarixida uchinchi bor (rekord natija) va ketma-ket ikkinchi marta qita chempionligini qo'lga kiritdi.

Xitoy terma jamoasi uchun esa finalga qadar etib kelishning o'zi tarixiy natija bo'ldi. Etiborlisi, Xitoy tarkibida kelib chiqishi uyg'ur bo'lgan futbolchilar — Yusup Umidjon va Mutallip Iminqari bahsni asosiy tarkibda boshlashdi.

Osiyo Kubogi U-23. Final

XITOY — YAPONIYA 0:4

Gollar: 0:1 — 12' YU. Ozeki, 0:2 — 20' K. Ogura, 0:3 — 59' R. Sato (pen), 0:4 — 76' K. Ogura.

Xitoy U-23: Li Xao, Yang Si, Yusup Umidjon, Pen Syao, Lyu Xaofan, Xu Xetao, Mutallip Iminqari, Syuy Bin, Li CHjencyuan, Syan Yuyvan, Van Yuydun.

Yaponiya U-23: Rui Araki, Kayto Koizumi, SHuto Nagano, Rion Ichixara, Rey Umeki, Yuto Ozeki, Kosey Ogura, Ryunosuke Sato, SHusuke Furuya, Yumey Yokoyama, Nvadike Uchebrian.

Eslatib o'tamiz, Ravshan Haydarov boshchiligidagi O'zbekiston U-23 terma jamoasi chorak finalda Xitoyga mag'lub bo'lib, musobaqani tark etgan edi.