"U mashg'ulotlar zaliga shortik va poloda kelgandi". Korme Xabib bilan tanishuv haqida gapirib berdi

Ushbu rolikda Korme Xabib bilan tanishuv jarayoni haqida gapirgan. 

"Xabib bilan 2012 yilda tanishganman. Bizga Nyu-Jersidan kurashchilar bilan birga shug'ullanish uchun kimdir kelayotgani haqida aytishgan. Uni kutib olishni xech kim istamagan. Yakunda uning oldiga SHon Banch borgan va uni "Makdonalds"ga olib kirib ovqatlantirgan, otelga olib borib qo'ygan. 

Keyin esa Xabib sport zaliga shortik va poloda kirib kelgan. U doimo poloda shug'ullanardi. U burchakka turib olardi. Inglizchani bilmasada, zalda nimalar bo'layotganini yaxshigina tushunib turardi. 

U barchamizga yoqib qoldi. Esimda, u zalda Bryus Bafferning UFCdagi debyutida o'zini dog'istonlik burgut deya tanishtirib chiqqan videosini qo'ygandi. U bundan g'ururlanishini, promoushenda ekanligidan faxrlanishini ko'rsatmoqchi edi. 

2012 yilda u polo va eski sport kiyimida edi. Biz esa buni eslab kulamiz, chunki u hozirga kelib barcha narsani sotib olishga qurbi etadi. Biz esa chegirmalar bo'layotgan do'kondan narsalar sotib olayotgan Xabibni ham eslaymiz", - dedi Korme.