Uaylder DAZNning 100 million dollarlik shartnomasini rad etdi

ESPN telekanali bergan xabarga ko'ra, amerikalik bokschi DAZN taklif qilgan 100 million dollarlik shartnomani rad etgan. Hozirda Uaylder Top Rank  promouterlik kompaniyasi hamda ESPN telekanali bilan muzokaralarni davom ettirmoqda. 

DAZN Deonteyga 3ta jang uchun 100 million dollar taklif qilgandi. Ushbu summaning 80 million dollari Joshuaga qarshi o'tkaziladigan ikkita jang uchun atalgandi. Qolgan 20 millionini u Dominik Brizil bilan o'tkazadigan jangi uchun olardi. 

Malumotda keltirilishicha, Top Rank kompaniyasi Uaylderga Tayson Fyuri hamda orada o'tkazadigan yana bir ixtiyoriy jang uchun 32,5 million dollardan taklif qilmoqda.