Uaylder vs Fyuri. Kutilgan jangning kutilmagan STATISTIKASI!

Oqshomning markaziy jangi superog'ir vazn toifasida o'tkazildi va unda WBC chempioni Deontey Uaylder sobiq jahon chempioni Tayson Fyuriga qarshi ringga ko'tarildi. Jang biroz kutilmaganda durang bilan yakunlandi.  

Compubox hisob-kitobiga ko'ra, kechagi chempionlik jangida Tayson Fyuri WBC chempionidan har jabhada ustun kelibdi. Ha, bir qarashda ishonish qiyindek, lekin bu ayni haqiqat. 

Statistikaga etibor qarating. Fyuri jang davomida jami 327ta zarba bera oldi. Ana shu zarbalarning 84tasi, yani 26 foizi o'z manziliga aniq etib bordi. Uaylderning umumiy zarbalari soni 430tani tashkil qildi. Lekin aniq yo'llangan zarbalar soni 71ta bo'ldi. Bu 17 foiz degani. Deonteyning bundan avvalgi 8ta jangidagi aniq zarbalar 54 foizdan kam bo'lmagan. 

Fyuri jeb zarbalar soni bo'yicha ham etakchilik qildi. 223ta jeb zarbalardan 46tasi aniq bo'lgan. Uaylderda bu ko'rsatkich 248ga 40. Foiz hisobida 21ga 16, Tayson foydasiga! Kuch bilan berilgan zarbalarga etibor qaratamiz. Britaniyalik bokschida 104ta zarbadan 38tasi kuch bilan berilgan. Amerikalikda esa 182ta zarbadan 31tasi kuchli chiqqan. Foiz hisobida 37ga 17 ko'rinish. 

Bu aniq statistik malumotlar. Ko'pchilik Deontey raqibini ikki bor nokdaun holatiga tushirib qo'ydi. SHu sababli ham g'alaba uniki bo'lishi kerak degan insonlar ham ko'p bo'ldi. Statistika barcha yo'nalishlarda Fyuri foydasiga xizmat qildi. Demak, durang natija adolatli bo'ldi!