11 jan 12:02
Yangiliklar

Boks/MMA

UFC 311 turnirining manzili o'zgarishi mumkin

AQSHning Los-Anjeles shahri 2025 yilning ilk raqamlangan UFC turniriga mezbonlik qilishidan xabaringiz bor.

Ammo bir necha kundirki, Los-Anjelesda dahshatli o'rmon yong'inlari davom etmoqda. O'n besh ming gektar maydonni qamrab olgan tilsiz yov natijasida halok bo'lganlar soni o'n kishidan oshdi.

Taniqli UFC insayderi Ariel Xelvanining aytishicha, UFC rahbarlari UFC 311 turnirini boshqa shaharga ko'chirish bo'yicha harakatlarni boshlab yuborgan. Los-Anjelesda bir nechta sport musobaqalari bekor qilingan.

Xelvanining aytishicha, Las-Vegas shahridagi "T-Mobayl" arena UFC 311 turniri mezbonligi eng muqobil variant bo'lib turibdi. Har qanday holatda ham turnir kechiktirilmaydi va avvaldan belgilangan muddatda o'tkaziladi.