UFC Fight Night 124. Belfort - Xoll jangi bekor qilindi

Ushbu kecha doirasida braziliyalik faxriy sportchi Vitor Belfort o'zining so'nggi xayrlashuv jangini o'tkazishi kerak edi. Lekin endi bu jang o'tkazilmaydi. Belfortning raqibi Yurayya Xoll xatto vazn o'lchash marosimiga ham kelmagan.

Malumotlarga qaraganda, jangdan uch hafta avval Xollning sog'lig'ida muammolar ko'zga tashlana boshlangan. Yurayya yaqin do'stining bevaqt o'limidan so'ng tushkun holatga tushib qolgan. Hozircha bu jangning kechroq muddatda o'tkazilish yoki umuman bekor qilish haqida hech qanday malumot yo'q.