19 apr 10:12
Yangiliklar

Boks/MMA

UFC Fight Night 273: 100 000 va 25 000 dollarlik bonuslari kimlarga nasib qildi?

Teglar : UFC Fight Night 273 Mayk Melott

Bugun Kanadaning Vinnipeg shahrida o'tkazilgan UFC Fight Night 273 turnirining mukofot puli sohiblari elon qilindi.

Oqshomning asosiy jangida tajribali Gilbert Byornsni nokautga uchratgan kanadalik Mayk Melott 100 000 dollarlik bonusga ega chiqdi. Liganing braziliyalik debyutanti Marsio Barboza ham 100 000 dollarlik chekni qo'lga kiritdi. U prelim kardda amerikalik raqibi Dennis Buzukyuni jangning 80-soniyasidayoq nokautga uchratgandi.

SHuningdek, yana ikkita har biri 100 000 dollardan iborat bonus kanadalik CHarlz Jurdeyn va amerikalik Kayler Fillipsga nasib etdi. Turnirning ahamiyati jihatidan ikkinchi muhim jangi hisoblangan ushbu to'qnashuv "Eng yaxshi jang" deb topildi. Yorqin kechgan jangda mezbonlar vakili hakamlarning yakdil qarori bilan g'alaba qozondi.

Bundan tashqari, o'z janglarini muddatidan avval g'alaba bilan yakunlagan Jey Gerbert, Robert Valentin, Gokxan Sarikama va Jon Yannis 25 000 dollarlik bonuslar bilan taqdirlandi.