UFC Fight Night 275 barcha natijalari bitta xabarda: Asosiy jangda Maddalenani nokaut qilishdi + VIDEO

Oqshomning asosiy jangida braziliyalik yarim o'rta vazn toifasi vakili Karlos Prates sobiq chempion, divizion reytingida birinchi o'rinni egallab turgan avstraliyalik Jek Della Maddalenani uchinchi raundda texnik nokautga uchratdi. To'rtinchi daqiqada Karlos raqibini kalf-kik zarbasi bilan muvozanatdan chiqardi va keyin parterda tirsak hamda xammer-fist zarbalari bilan jangni yakuniga etkazdi. 

Jangdan keyingi intervyuda Prates avgust oyida Islam Maxachev va Yen Machado Gerri o'rtasida o'tkaziladigan chempionlik jangini bevosita arenada tomosha qilishi va g'olibga shaxsan "vyzov" tashlashini malum qildi. 

UFC Fight Night 275 turnirining co-main event jangi amerikalik tajribali engil vazn toifasi vakili Benil Dariush ishtirokida kechdi va u kutilmaganda so'nggi beshta jangidagi to'rtinchi muddatidan avval taslim bo'lgan mag'lubiyatini qabul qilib oldi. Benil bu safar birinchi raunddayoq texnik nokaut bilan avstraliyalik Kuillan Salkildaga yutqazdi.

Musobaqaning ahamiyati jihatidan uchinchi jangi eng engil vaznda UFC kamari uchun sobiq davogarlar avstraliyalik Stiv Erceg va amerikalik Tim Elliott o'rtasida bo'lib o'tdi. Unda mezbon aralash yakkakurash ustasi hakamlarning qarori evaziga g'alaba qozondi.

Pert turnirida Marvan Raxiki, Junior Tafa, Vesli SHulc va Kodi Stil o'z janglarida raqiblarini muddatidan avval mag'lubiyatga uchratishdi.

UFC Fight Night 275 turnirining barcha natijalari:

Asosiy kard janglari

Karlos Prates Jek Della Maddalenani texnik nokautga uchratdi (oyoqda zarba va parterda finish) – 3-raund, 3:17

Kuillan Salkil Benil Dariushni texnik nokaut bilan engdi (zarba) – 1-raund, 3:29

Stiv Erceg Tim Elliottni hakamlarning yakdil qarori evaziga mag'lubiyatga uchratdi (29-28, 29-28, 29-28)

Marvan Raxiki Oliver SHmidni texnik nokaut bilan yutdi (zarbalar) – 1-raund, 2:47

Brando Perichich SHamil Gazievni nokaut qildi (zarbalar) – 2-raund, 3:44

Lui Sazerlend Tai Tuivasani hakamlarning yakdil qarori bilan mag'lub etdi (30-26, 30-26, 30-26)

Prelim kard janglari

Kemeron Rouston Robert Brichekni ochkolar hisobiga ko'ra taslim etdi (30-27, 30-27, 30-27)

Junior Tafa Kevin Kristianni nokaut qildi (qo'l va tirsakda zarbalar) – 1-raund, 2:42

Jeykob Melkun Jerald Mershartdan hakamlar qaroriga ko'ra ustun keldi (29-28, 29-28, 29-28)

Kolbi Tikness Vins Moralesni hakamlarning yakdil qarori bilan mag'lubiyatga uchratdi (29-28, 29-28, 29-28)

Vesli SHulc Ben Jonstonni sabmishn evaziga yutdi (gilotina usulida bo'g'ish) – 3-raund, 1:50

Jonatan Mikallef Temba Gorimboni hakamlarning ayri qarori bilan engdi (28-29, 29-28, 29-28)

Kodi Stil Dom Mar Fanni sabmishn bilan yutdi – 1-raund, 3:56