UFC Makgregor - CHendler jangiga zaxira izlayapti

Ammo tashkilotchilar tomonidan ushbu tadbir bekor qilindi. UFC bosslari matbuot anjumanining bekor qilinishiga nima sabab bo'lganini aytishmayapti. Bu esa odamlarda turli gumon hamda taxminlarni keltirib chiqarmoqda. 

Taniqli sport sharhlovchisi Ariel Xelvanining aytishicha, UFC ayni paytda Makgregor - CHendler to'qnashuviga zaxira jangi izlashni boshlagan. Ushbu jang 29 iyun kuni Las-Vegas shahrida bo'lib o'tadigan UFC 303 turnirining markaziy jangi hisoblanadi. 

"Hozircha aniq malumotlar yo'q. Jang o'z kuchida qolishiga umid bor. Lekin mendagi xabarlarga qaraganda, tashkilotchilar zaxira jangi izlashni boshlashgan. Tez orada bu haqda yangilik eshitib qolamiz", - dedi jurnalist.

Makgregor - CHendler jangining bekor bo'lishiga yana bir signallardan biri shundaki, ESPN+ pullik translyaciyasida sotuvlar to'xtagan. UFC Youtube kanalida Konorning Eddi Alvares va Neyt Diasga qarshi o'tkazgan janglari o'chirib yuborilgan.

UFC sharhlovchisi, ikki vaznda sobiq tashkilot chempioni Daniel Korme ham jangning bekor bo'lish ehtimoli yuqori ekanini aytgan. Matbuot anjumanining bekor bo'lishi va bunga izoh berilmayotgani shubhalar asosga ekaniga ishora qilmoqda.