UFC on ESPN 60 turnirining barcha natijalari bitta sahifada + FOTOGALEREYA

Xabar berganimizdek, Apex arenada o'tgan UFC on ESPN 60 oqshomining markaziy jangi ayollar birinchi engil vazn toifasida Virna Yandiroba hamda kamar uchun sobiq davogar Amanda Lemos o'rtasida tashkil etildi. Braziliyaliklar jangida ikkinchi raund tugashiga 12 soniya qolgan bir paytda Virna sambishen evaziga nomdor hamyurtini taslim etdi. 

Turnirning ahamiyati jihatidan ikkinchi jangida amerikalik yarimengil vazn toifasi vakili Stiv Garsiya ketma-ket to'rtinchi g'alabasini tantana qildi. U to'rttala jangini ham muddatidan avval yakunlagan. Stiv birinchi raundda koreyalik Sen Vu CHoyni texnik nokautga uchratdi.

"Koreyalik superboy" Du Xo CHoy bir yarim yillik tanaffusdan so'ng oktagonga qaytdi. Osiyolik jangchi amerikalik Bill Aljioni ikkinchi raundda texnik nokaut bilan taslim etdi. 

Tojikistonlik aralash yakkakurash ustasi Loik Rajabov uch raund to'liq davom etgan jangja Trey Ogdenga ochkolar hisobiga ko'ra imkoniyatni boy berib qo'ydi.

Kurt Xolobau Kaynan Krushevskini, Miranda Meverik Dion Barbosani, Luana Karolina Lyusi Pudilovani, Tomas Petersen Muhammad Usmanni ochkolar hisobiga ko'ra mag'lubiyatga uchratdi.

SHuningdek, bugungi oqshomda Bruno Silva, Xayder Emil va Kodi Gibson ham raqiblarini muddatidan oldin mag'lub etishning uddasidan chiqishdi.