UFCda hali bunaqasini ko'rmagansiz. Maxachev va Carukyan revansh uchun syurpriz tayyorlashlari kerak!

18 yanvardan 19 yanvarga o'tar kechasi AQSHning Kaliforniya shtati Inglvud shahrida yilning birinchi raqamli turniri - UFC 311 bo'lib o'tadi, oqshomning asosiy bahsi Islam Maxachev va Arman Carukyan o'rtasidagi engil vazn chempionlik kamari uchun kechadigan revanshdir..

Jangchilar ilk bor salkam olti yil avval oktagonda uchrashgan, o'shanda Islam ochkolar hisobiga ko'ra g'alaba qozongan. Ammo endi raqiblar haqiqiy superyulduzlar sifatida to'qnash kelishadi. Raqib jamoalar esa yigitlarning bir-birini mukammal bilishini taminlash uchun ko'proq harakat qilganga o'xshaydi. Bunday vaziyatda jang oktagondagi shaxmat o'yiniga aylanib qolish xavfi bor.

SHuningdek, Carukyan ushbu jang uchun syurpriz tayyorlayotganini aytdi. Uning so'zlariga ko'ra, bunaqasi hali UFCda kuzatilmagan. «Hamma mendan sirli usul haqida gapirib berishimni so'raydi. Bu xay-kik. Lekin bilmayman, ehtimol maxfiy texnika haqida gapirmasligim kerakdir. Hamma bir xil savol beradi: «Maxfiy usul nima?» Buni so'rashdan mano yo'q. Bu xay-kik yigitlar. Men bu harakatni UFCda, hatto janglarning eng yaxshi lahzalarida ham ko'rmaganman. Uni ko'rganingizda: «Voy, bu nima edi?» deb hayron bo'lasiz. Agar men ushbu usuldan foydalansam, u ishlaydi».

Bu qarama-qarshilikda Carukyanni oldindan o'qish mumkin degan tuyg'u paydo bo'lishi mumkin. Albatta, oktagondan tashqarida Arman haqiqatan ham o'zining noananaviy harakatlari bilan ajralib turadi. Ammo oktagonda jangchining uslubini osongina o'qish mumkin. Carukyan raqibidan bir oz pastroq (175 sm), lekin ayni paytda qo'l kengligi (183 sm) etiborni tortadi. Jangchi asosiy etiborini masofada ishlashga yo'naltiradi, asosan stoykada ishlashga intiladi, bunga shubha yo'q. Va hatto u vaziyat taqozo qilmasa, kurashga kirmaslikka harakat qiladi.

Birinchidan, Carukyan dastlabki jangda parterdagi omadsiz harakatlari tufayli yutqazdi. Arman ko'proq zarbalar berganiga qaramay, aniqlik Islam tarafida edi, ammo yosh iqtidor doimiy hujumlari bilan bosim qildi. Biroq, jangda Maxachev kurashdagi imkoniyatlari kuchliligini ko'rsatdi. U to'rtta teykdaun amalga oshirdi, bu raqibini olti daqiqa davomida nazorat qilish imkonini berdi. Arman bunga javoban bor-yo'g'i bitta teykdaun bilan raqibini bir daqiqadan ko'proq ushlab tura oldi. Bunday vaziyatda hakamlarning qarori juda aniq va mantiqiy tuyuldi. O'sha jang kartinasi yana takrorlanishi mumkin degan gumon bor.

Ikkinchidan, kurashga kirishga urinishlar Armanni boshqa janglarda ham katta muammolarga olib keldi. Uning eng omadsiz janglari qanday o'tganini eslash kifoya. Carukyan Mateush Gamrotga yutqazdi, Gamrot olti marta teykdaun amalga oshirdi. Albatta, Arman hamon bu jangda mag'lub bo'lmaganini davo qilmoqda. Hakamlarning qarori esa dastlab katta shov-shuvga sabab bo'ldi. Ammo statistika hakamlarning qarori to'g'ri ekanligini ko'rsatib turdi. CHarlz Oliveyra bilan jangda ham xuddi shunday holat yuz berdi. Braziliyalik jangchi  to'rtta sabmishen amalga oshirdi. Ochig'ini aytganda, bu ham Arman uchun yaxshi statistika emas.

Islam biroz balandroq - 178 sm, lekin ayni paytda uning qo'li unchalik ham uzun emas - 178 sm. Va albatta, chempionda rang-baranglik bor. Buni dog'istonlikning g'alaba qozongan usullari ham ko'rsatadi. Maxachev 26 ta jangda g'alaba qozondi. Oltita holatda Islam raqiblarini nokautga uchratgan va 11 marta jang sabmishen bilan yakunlangan. To'qqizta jangda esa hakamlar qarori bilan g'olib bo'ldi. Maxachevning umumiy stilini o'qish ham qiyin emas. Rossiyalikning so'nggi janglari deyarli bir xil usulda yakunlangan.

Islam ishni razvedkadan boshlaydi. U dastlabki daqiqalarda stoykada ishlaydi, raqibni charchatishga harakat qiladi. Bu Oliveyra va Volkanovski bilan revanshda sodir bo'ldi. Va agar bu ishlamasa, Maxachevning rejasi iloji boricha soddalashadi. Rossiyalik raqiblarini parterga yiqitishni boshlaydi. Dastin Pore bilan to'qnashuvda xuddi shunday bo'lgan. Islam jang davomida besh marta teykdaun amalga oshirdi. Qizig'i shundaki, u teykdaunlarini butun jang davomida teng ravishda taqsimladi. SHu bois Maxachev endi bu ustunligida unumli foydalanishga harakat qiladi.

Jang besh raundda davom etishiga ishonch bor. Natija hakamlar qarorini kutadi. Arman masofada ishlashga harakat qiladi. U raqibni o'ziga yaqinlashtirib qo'yish qanchalik xavfli ekanligini juda yaxshi biladi. Maxachev raqibini xotirjamlik bilan parterga «taklif etish» va parterda xohlagan ishini qilish uchun masofani qisqartirishni kutadi. Balki chempion jang boshidayoq tavakkal qilishi ham mumkin. Biroq shundan so'ng u o'z muammolarini professional tarzda hal qilishga o'tadi. SHu bilan birga Islam hakamlar uchun muhim teykdaunlarni amalga oshirishni ham unitmaydi. Bunday vaziyatda Carukyanni faqat bitta narsa qutqarishi mumkin - noananaviy harakat.

Ammo Armanning kutilmagan sovg'asi ham muvaffaqiyatni kafolatlay olmaydi. Islam tom manoda afsonaviy Xabib Nurmagomedovning haqiqiy davomchisidir. Maxachev katta kuch zaxirasiga ega ekanligini bir necha bor namoyish etdi. CHempionni mag'lub etish uchun siz uni nokaut qilishingiz kerak bo'ladi. Ammo Carukyan shunday lahzani topa oladimi, yo'qmi bu katta savol. Islam o'z vaqtini juda yaxshi his qiladi va bu zarba mexanizmini tushunadi. 

Balki, Carukyan shunchaki etiborni tortish maqsadida xay-kiklarini ovoza qilmoqda. Arman rejalari haqida gapirar ekan, balki jang  uchun butunlay boshqacha syurpriz tayyorlab qo'ygandir.