14 iyu 08:43
Yangiliklar

Tennis

Uimbldon chempioni va vice-chempioni qancha mukofot puli ishlab oldi?

Xabar berganimizdek, London shahrida tennis bo'yicha "Katta Dubulg'a" turkumiga kiruvchi Uimbldon turnirining ayollar o'rtasidagi g'olibasi aniqlandi.

Hal qiluvchi uchrashuvda WTA reytingida 32-pog'onani egallab turgan chexiyalik Barbora Kreychikova dunyoning ettinchi raketkasi, italiyalik Jasmine Paolinini 6:2, 2:6, 6:4 hisobida mag'lubiyatga uchratgan edi.

Bu Kreychikovaning faoliyatidagi sakkizinchi, mavsumdagi birinchi sovrini bo'ldi. Barbora 2021 yili "Katta Dubulg'a" turkumiga kiruvchi "Rolan Garros" turnirida ham chempion bo'lgan edi.

U Londondagi ikki haftalik mehnatidan 2000 reyting ochkosi hamda 2 million 700 ming funt sterling miqdorida mukofot puli ishlab oldi. CHexiyaliklik tennischi ertaga elon qilinadigan yangi reytingda 10-o'ringa ko'tarilib oladi. Paolini esa 1300 ochko va 1 million 400 ming funtga ega chiqdi.