12 iyu 10:20
Yangiliklar

Tennis

Uimbldon. Jasmine Paolini ilk finalchi!

Dunyoning ettinchi raketkasi Jasmine Paolini tennis bo'yicha "Katta Dubulg'a" turkumiga kiruvchi Uimbldon turnirining finaliga yo'l oldi.

Italiyalik tennis malikasi 1/2 finalda WTA reytingida 37-o'rinni egallab turgan xorvatiyalik Donna Vekichni qiyinchilik bilan mag'lubiyatga uchratdi - 2/6, 6/4, 7/6(10:8). G'olib tay-brekda aniqlandi va unda omad Jasminega kulib boqdi. Italiyalik tennischilarning o'zaro uchrashuvlarida oldinda bormoqda - 3:1.

Ikki soatu 51 daqiqa davom etgan bahsda Paolini 5, Vekich 7 ta eys zarbasini amalga oshirgan. Qo'shxatolar Donnada ko'p bo'ldi - 7 ga 3. Breyklar bo'yicha ustunlik ham mag'lub tennischida bo'ldi - 4 ga 3! Paolini hal qiluvchi uchinchi setda ikki bor ortda bora turib (1/3 va 3/4), breyklardan unumli foydalana oldi. U faoliyatida ketma-ket ikkinchi bor "Katta Dubulg'a" turniri bosh sovrini uchun kortga chiqadi.