"Universal"da o'tgan “O'zbekiston Respublikasi Bosh prokurori kubogi”dan FOTOREPORTAJ

O'zbekiston Respublikasi Prezidentining 2020 yil 4 noyabrdagi “Kurash milliy sport turini rivojlantirish va uning xalqaro nufuzini yanada oshirish chora-tadbirlari to'g'risida”gi  4881-sonli qarori ijrosini taminlash maqsadida Toshkent shahridagi “Universal” sport saroyida “Besh tashabbus olimpiadasi” dasturi doirasida “O'zbekiston Respublikasi Bosh prokurori kubogi” musobaqalari nihoyasiga etdi. Viloyatlardan tashrif buyurgan 80 nafardan ziyod polvon g'oliblik yo'lida murosasiz bellashuvlarda kuch sinashishdi.

Qiz bolalar o'rtasida kechgan bellashuvlarda Malohat Bobonazarova (Qashqadaryo), Marhaboxon Xabibullaeva (Andijon), Gulirano Suvonqulova (Navoiy), Amina Mamedova (Toshkent shahri), Dilshoda Amirova (Qashqadaryo), Mohiniso Sabrieva (Buxoro)larga teng keladigan raqiba topilmadi.

O'g'il bolalar o'rtasida bo'lib o'tgan bellashuvlarda Quvonchbek Narzullaev (Qashqadaryo), Muhammadrasul G'aniev (Farg'ona), Quvonch G'aybullaev (Qashqadaryo), Umid Rayimov (Jizzax), Otabek Nurmatov (Qashqadaryo), Jasur Taganov (Qashqadaryo)lar shohsupaning eng yuqori pog'onasidan o'rin egallashdi.

G'olib va sovrindorlar tashkilotchilar tomonidan tasis etilgan diplom, medal va qimmatbaho sovg'alari bilan taqdirlanishdi.

Alimurod MAMADAMINOV, o'z muxbirimiz